Во ООУ Димитар Миладинов, регионална конференција на наставниците од поранешна Југославија

Денес, во ООУ Димитар Миладинов започна Првата образовна конференција на земјите од поранешна Југославија, “Светот на образованието ги брише границите“.

На дводневната конференција, чиј домаќин и организатор е ООУ Димитар Миладинов, присуствуваат 60 најдобри одделенски наставници од 6 екс ЈУ држави.

Учениците и наставниците ги пречекаа наставниците во училиштето на традиционален начин, заедно го разгледуваа училиштето, учествуваа во работилници и на крајот, засадија заедничко “дрво на знаењето“ во училишниот двор.

Конференцијата продолжува денес во МКЦ и утре во библиотеката “Другарче“.