Општина Центар и ЕВН го сервисираа дефектот со електричната енергија на Кале

Во населбата Кале во Општина Центар по дводневниот прекин, повторно има напојување на електрична енергија во домовите.

Службите на Општина Центар, во соработка со ЕВН, го отстранија дефектот и во домовите на Кале повторно има електрична енергија.

Со сервисирањето на дефектот обезбедена е електрична енергија со засилен напон, а како главна причина за дефектите се јавуваат многубројните нелегални приклучоци во овој дел од Центар.

Општина Центар и ЕВН апелираат до граѓаните броилата од своите дворови и домови и истите да ги постават на јасно видливи места, од каде директно до граѓаните ќе биде регулирано напојувањето со електрична енергија.