Градоначалникот Саша Богдановиќ и претставници од Секторот за јавни дејности во Општина Центар одржаа работен состанок со министерката за труд и социјална политика, Јагода Шахпаска.
![](https://www.centar.gov.mk/wp-content/uploads/2021/04/Општина-Центар-1024x726.jpg)
На денешниот состанок тие разговараа за алтернативни решенија кои ќе овозможат проширување на сместувачките капацитети во градинките на територијата на Општина Центар и формирање нови групи на деца кои ќе се вклучат во предучилишно образование за време на здравствената криза и пандемијата од Ковид – 19.
Во наредниот период Општина Центар ќе преземе активности кои ќе имаат за цел да ги прошират сместувачките капацитети во градинките и да одговорат на потребите и барањата на родителите, а ќе бидат во согласност со Правилникот за работа од страна на Министерството за труд и социјална политика и препораките од Комисијата за заразни болести и Министерството за здравство во Република Северна Македонија.
![](https://www.centar.gov.mk/wp-content/uploads/2021/04/Општина-Центар-2-1024x693.jpg)
„Во однос на алтернативните решенија кои планираме да ги спроведеме се однесуваат на отворање осум занимални во рамки на четири општинските основни училишта. Планираме училниците да бидат пренаменети во занимални, а ние како локална самоуправа дополнително ќе обезбедиме просторни и хигиенски услови кои се неопходни за дневниот престој на децата во градинките. Во план е да се отворат и нови вработувања за воспитувачки и негувателки “ – изјави градоначалникот Саша Богдановиќ
Минатата недела започна вакцинацијата на наставниот кадар од општинските основните училишта, односно за наставниците кои реализираат настава со физичко присуство од прво до трето одделение и за вработените во општинските градинки, а истата ќе продолжи и во наредниот период.