Градоначалникот на Општина Центар, Саша Богдановиќ, го потпиша Барањето за спроведување постапка за набавка на три специјални комунални возила за потребите на општината.
![](https://www.centar.gov.mk/wp-content/uploads/2021/04/Слика-1.jpg)
Трите нови возила ќе им бидат на располагање на службите за одржување на уличната хигиена и ќе се користат за чистење на улиците на територија на Општина Центар.
Поради зголемениот обем на работа на општинските комунални служби, со набавката на овие три возила и дополнително, набавката на уште едно комунално возило – цистерна, значително ќе се зголеми степенот на јавната улична хигиена во општината.
Ова е уште еден чекор напред на Општина Центар во поглед на обезбедување на чисти, проодни и пред сѐ, безбедни улици за одвивање на сообраќајот и непречено движење на пешаците, велосипедистите и корисниците на алтернативни средства за сообраќај.