По повод одбележувањето на Меѓународниот ден на спортот за развој и мир – 6 април, Општина Центар организираше Атлетски крос – Центар 2023 за учениците од основните училишта.
Настанот се реализираше на Кејот на Вардар, а учесниците се натпреваруваа во неколку категории и делници, според возраст и пол. Учествуваа ученици од шесто до деветто одделение од сите основни училишта во Центар.
Учениците што постигнаа најдобри резултати на Атлетскиот крос – Центар беа наградени со медали и дипломи, а сите учесници добија маички со лого на Општината и училиштето.
Општина Центар постојано вложува буџетски средства во проекти што имаат цел да ги промовираат спортско-рекреативните содржини наменети за учениците, децата, младите, како и за жителите на Општината. Традиционално се организираат Училишните спортски (лиги) Центар, се доделуваат спортски стипендии за талентирани спортисти и финансиски се поддржуваат спортски клубови, спортисти-поединци, спортски институции, здруженија и други организации.
Листа на наградени ученици на Атлетскиот крос – Центар 2023 се:
Девојчиња од 6 и 7 одделение на 300 метри
од 6 и 7 одделение на ПРВО МЕСТО Алексија Иванов од ООУ ,,Киро Глигоров”
ВТОРО МЕСТО Марта Димковска од ООУ ,,Димитар Миладинов”
ТРЕТО МЕСТО Теодора Ристовска од ООУ ,,Киро Глигоров”
Момчиња од 6 и 7 одделение на 400 метри
ПРВО МЕСТО Марин Поповски ООУ ,,Димитар Миладинов”
ВТОРО МЕСТО Филип Јовановски ООУ ,,Ј.Х. Песталоци”
ТРЕТО МЕСТО Георг Јошев ООУ ,,Димитар Миладинов
Девојчиња од 8 и 9 одделение на 500 метри
ПРВО МЕСТО Моника Макаровска ООУ ,,Димитар Миладинов”
ВТОРО МЕСТО Тамара Атанасовска ООУ ,,Киро Глигоров”
ТРОТО МЕСТО Катја Додевска ООУ ,,Димитар Миладинов”
Момчиња од 8 и 9 одделение на 600 метри
ПРВО МЕСТО Сергеј Малјановски ООУ ,,Димитар Миладинов”
ВТОРО МЕСТО Даријан Јовановски ООУ ,,Кочо Рацин”
ТРЕТО МЕСТО Стефан Илиев ООУ ,, 11 Октомври”
