Учениците до 10 години може да бидат згрижени во градинките за летниот распуст

Во зависност од капацитетите учениците до 10 години ќе може да бидат згрижени во градинките и за време на летниот распуст. Денеска потпишавме Меморандум за соработка меѓу општината, училиштата и градинките со кој утврдивме за дневен престој на ученици да бидат отворени 5 објекти на градинките. Во нив децата со наставничките од училиштата ќе имаат едукативни работилници и други активности за време на летниот распуст.

Им излегуваме во пресрет на родителите кои поради работните обврски имаат потреба од згрижување на нивните деца.