Волонтерството и воннаставните активности не носат само ново знаење, туку градат нови пријателства, тимска работа, комуникациски и лидерски вештини. Вчерашниот завршен настан на Алумни асоцијацијата беше уште една можност каде младите ги покажаа своите способности, капацитети и амбиции.
Таму градоначалникот Горан Герасимовски го најави и нашиот проект „На одмор сум, во Скопје сум“, кој Општина Центар на 25 јуни ќе го организира на повеќе локации, во Паркот Капиштец и во Паркот на Франкофонија. Сите оние кои ќе останат во Скопје може да ги посетат театарските претстави, едукативните работилници, концертот со Стела и Сани и други популарни детски музички бендови, како и спортски активности со кошаркарите од Работнички.
