Герасимовски: Преполните контејнери се потенцијална зараза, го повикувам Град Скопје да ги чисти на време

Грда е сликата околу контејнерите на повеќе локации во Центар. На овие високи температури купиштата ѓубре не само што се причина за неподнослива смрдеа туку се и потенцијална опасност од зараза.
Апелирам до Градот Скопје за навремено собирање на сметот. Да не дозволиме да правиме традиција од лани кога самостојно се мобилизиравме и го чистевме она кое не го чистеше градот.
Општина Центар секое утро ги мие улиците со цистерната на ЈП ПОЦ и секојдневно го мети и собира сметот. Граѓаните плаќаат редовно и со право бараат чиста средина.