Општина Центар од владината програма за намалување на аерозагадувањето доби 4.000.172 денари

Согласно јавниот повик за реализација на Програмата за намалување на аерозагадувањето за 2019-та година на Владата, Општина Центар поднесе проект и барање за добивање на средства за борбата со аерозагадувањето.

Владата на Општина Центар од Програмата за 2019 издвои износ од 4.000.172 денари, пари со кои ќе се набавуваат горилници на плин (гас), АЦ инвертер клими, ВРФ системи и топлински пумпи, со кои општината и граѓаните ќе придонесат кон прочистувањето на атмосферскиот воздух, особено во зимските месеци.