Градоначалникот на Општина Центар, Саша Богдановиќ, во својот кабинет оствари средба со директорката на Културно социјалниот простор ЈАДРО, Јасмина Билаловиќ и Јане Чаловски, претседател на Асоцијацијата на независната културна сцена – ЈАДРО.
Урбаната заедница на Општина Центар, Дане Крапчев, од наскоро ќе почне да функционира и како Културно социјален простор, откако со претходна одлука на Советот, општината им го отстапи на користење на Асоцијацијата на независната културна сцена – ЈАДРО.
Со монтирањето на климатизерите и целосната реконструкцијата на тоалетот, ќе завршат и последните градежни активности во КСП ЈАДРО.
Една од главните функции на КСП ЈАДРО е да го нуди својот простор бесплатно за програмите на независната културна сцена, но и на поширокиот граѓански сектор. Просторот и установата ќе функционираат како отворена платформа за уметнички организации, асоцијации, неформални групи и поединци кои ќе можат да ги користат ресурсите на овој центар, пред се за да ги развиваат своите идеи од областа на културата.
Главниот мултимедијален простор во КСП има употреблива површина од 80 метри квадратни, магацински простор, влезен хол и тоалет.
Со ова, Општина Центар и градоначалникот Саша Богдановиќ ја продолжуваат соработката со независната културна сцена во Скопје. Поддршката во развојот на културата, како значајна општествена гранка, е важен сегмент во работата на локалната самоуправа, особено во урбани градски општини како Општина Центар.
Покрај општината, како донатори и поддржувачи во Културно социјалниот простор ЈАДРО се јавуваат и компаниите Кнауф, Адинг, Компанија Велковски, Акустик-дизајн и Еуролинк осигурување.
Во просториите на Урбаната заедница „Дане Крапчев“ ќе продолжи со функционирање и локалниот пензиониерски клуб.
